Natale di Vittorio Butera

A' solita zampogna colarusa,
ccu ra nive, è scinnuta a ra marina,
e, mmo, de vientu e de lamientu chjna,
sona ra ninna ad ogne porta chiusa.
E' ra santa Vijilia de Natale,
sona,zampugna! Sona 'a pasturale!
Sona! Pped'ogne nnota chi me porta
mo chianu chianu e mmo cchiù forte 'u vientu,
intra 'stu core miu turnare sientu
tutta 'na vita chi cridivi morta,
e mmi s'acqueta 'n core ogne turmientu
e ppassa supra ad ogne ccosa storta.