Martinu APPINZAPALU (1877 - 1948)
 
 
Casata: CARLOTTI 
Nome: Dumenicu 
Nascita: In 1877 à U Petrosu 
Morte: In 1948, interratu à U Petrosu 
  
Abbate 
  
Opere publicate: 
  
Canzone nustrale. Trinnichellu "A Muvra" 1923 
Lessicu cumparativu corsu-italo-francese "A Muvra" 1924 
Barba Bianca l'Antigone, "A Muvra" 1924 
Raconti è fole di l'Isula Persa, "A Muvra" 1924 
Manualettu di a parlata corsa, 1925 
Pampane corse, puesie cù prefaziu di Santu Casanova, 1926 
Almanaccu di Grossu Minutu d'Alisgiani, 1930 
  
Strattu: 
  
U BAULLU DI ZIU CISARONE 
  
Ci era una volta un vechju. Si chjamava Cisarone. 
Cisarone passava, cù ragiò, per u più astutu di u paese. U Signore l'avia datu una bona famiglia. Di quattru, soli l'eranu firmati dui figlioli chì volsenu spusà duie donne furestere. À cose fatte, ziu Cisarone ùn disse nunda, benchè scuntentu. Pigliò tuttu in santa pacenza, è si stava cun elli, una settimana cù l'unu, una settimana cù l'altru. Era ben vistu è ben trattatu. 
Un bellu ghjornu, credendu di sceglie à megliu, ne pensò una è a fece. Dede tuttu u soiu, tuttu ciò ch'ellu avia acquistatu travagliendu, casa è vigna posta, chjuselli è pulloni, sciocche è vacche è ancu i so quattrini. Si fermò senza un pelu in manu, è ùn si tenne chè un baullu cupertu di setine purcine. 
Tandu cumincionu i so guai... 
  
  
A Muvra, 1932