MAISTRALE (1872 - 1950)
 
 
Casata: VERSINI 
Nome: Dumenicu Antone 
Nascita: U 26 dicembre 1872 in Marignana 
Morte: L'11 dicembre 1950 in Aiacciu 
  
Pueta 
  
Opere publicate: 
Canzone corse "A Muvra"; Una Ciucciata, cumidiola "A Muvra"1922 
A Letia, San Roccu è San Martinu, 1923 
Risa è Canti "A Muvra" 
Una prucissione in Soccia "A Muvra" 1924 
L'Appitittu di Calabraga "A Muvra" 1925 
A cumuna di Parapiglia, cumedia "A Muvra" 
Lettare à Lumbrigone "A Muvra" 1926 
E Canzone di Maistrale "A Muvra", 1926 
A Corsica paese per paese, 1928 
  
Strattu: 
  
L'ALIZZIONE DI 1929 
  
U 5 maghju passatu, ci sò state l'alizzioni di a merria. 
Una rivuluzione simule in Corsica, ùn s'era mai vista. Figuratevi in guasi tutti i paesi, dui partiti d'alittori inaltariati è decisi ad ogni miccanica par avè a vittoria. 
Prima ci funu e fisiche par furmà e liste; par mette u castigu in le famiglie quandu un partitu scigliia un candidatu, u contru à partitu li mittia un cugnatu par cuncurrente. Dopu, ci sò state e matafisiche par fà vene l'alittori di fora: 
  
-- Viens ou tu n'es plus mon fils. 
-- Viens, coûte que coûte. 
-- Mère enterrée, père agonie. 
-- Soeur a le curé dessus! 
  
Infine chì hè sbarcatu cinque mila alittori da Tunisi, da u Senegal; B... di E Cristinacce hè vinutu da u Camerun! Da Francia, un agente di pulizza d'Ota hà dimissiunatu parchè ùn li vulianu dà parmessu 
  
- - -- - - - - - - - - - -- - - - - - - - 
  
Una donna hè andata à a porta di u scrutinu par piglià u maritu pà a barba; u maritu hà alzatu u bastone è li hà troncu e duie bracce...