Minny Paddy

Tâpwêwakêyihtamowin (Faith)



***********



1. pêyakwâw mîna mêkwâc êyikohk ê-mikoskâtêyihtamân kahkiyaw kîkway pimâtisiwinihk kâ-mâci-mâmitonêyihtamân, tânisi êtikwê ê-ispayik mâna ôtê kotakihk askîhk itê ahcahkwak kâ-ayâcik ê-ay-itêyihtamân. êwako ôma nêwo-askiy ê-ispayik ê-kî- wanihak nitânis ôtê Saskatoon ahkosiwikamikohk.

2.kâ-isi-kaskêyihtamân nitânis ohci namôya kwayask nikî-isi-mâmitonêyihtên. mâka wiya ninâkatohkân ta-ayamihâyân mâna wî-nipâyâni kâ-tipiskâk.

3. ê-pa-pimisiniyân ôma kâ-pawâtamân êsa kâ-môsihak awiyak. nitânis! nitânis otahcahkwa ê-pê-kiyokêyit. kâ-mâci-pîkiskwêt êsa, êkosi ôma ê-isit, "nikâwiy, mitoni manitow wêyôtisiw, kahkiyaw kîkway nimiyik. kâya ka-mâmitonêyihtamihitin. kâya mîna ahpô kîkway mîciwin astamawin. kinakatamâtin nicawâsimisak, kiya aniki êkwa, ta- kanawêyimacik, mîna ta-sâkihacik."

4. mâyaw nitânis otahcahkwa ê-kî-sipwêhtêyit mitoni nimiywêyihtên êkwa ninakatikon anima kâ-kî-kosokoskâkoyân kîkway pêci nâway. kâ-kiskisiyân tâpwêwakêyihtamowin ôma kîspin kîkway kâ-pimipayik. ta-mâmitonêyimiht ispimihk ana ahcahk sohkâtisiwin kâ- ayât.