Che symi porã
Mauricio Cardozo Ocampo rembiapokue


Rohechanga’u che symi porã
Ha ku mombyry chehegui reime
reikuaa nga’u py’a tarova
nachemongevéi ymaite guive
ñemokunu’u hykupavoíva
roheja guive chemotyre’y
hi’ãpa che pepo aveve aha ndeypýpe
aguahê roñandu che sy.

Arekóva iñongatuhápe
amo che ánga ruguápe
che sy ne mborayhumi.
Avave noguahêi hendápe
ha pe kuarahy ratáicha 
ohesapeva ha omimbi.

Aromandu’a ne marangatu
mombyry guive che symi porã
mombe’upyrã manteko ajuhu,
nde rekovekue ysyry sakã.
kUña Paraguái nde rekopete
nde ndereikuaái y’uhéi, kane’o
nde sýgui reru Residantakue
ha che ne memby péina amono’õ