Kuv Lub Neej Dhau Los 
Tus sau: Foom Lis 
Kuv yauv piav txog kuv lub neej nyob tim teb chaws Nplog, kuv khia teb chaws los nyob Thaib teb thiab peb lub neej nyob Amelikas. 
Lub sij hawm thaum kub tseem me, kub kuj tsis paub us dab tsis li. Tsuas yog mus nyob tom tsev pab cov laus nqa dej mus rau cov laus haus xwb. Tej zaum kuv tsis hnav ris thib vim hais tias thaum ntawv mas tseem yog me yaus xwb. Cov laus kuj mus ntau nplej tas hnub xwb li. kuv txiv lawv khwv heev li. Niaj hnub mus tom teb xwb; kuv kuj xa hnav khaub ncaws heev los kawg tsis muaj li.
Peb nyob tim teb chaws Nplog mas peb kuj yug qaib thiab npau. Kuv txiv peb yug tau ob peb tug npua nog li. Peb mus txiav kav tsawb txhua hmo ib. Peb cov tub cov ntxhais ces mus kawm ntawv xwb.
Thaum kuv tseem me kuv mus kawm ntawv dog dig xwb. Kuv mus kawm ntawv nplog li ob xyoo xwb yeej tsis paub dab tsi li. Tsuas yog paub hais lus xwb. Yeej tsis tau paub sau thiab vim hais tias mus kawm ntawv los tsev ces mus pab cov laus ua teb lawm xwb yeej tsis tau los saib ntawv li. Peb kawm ntawv tim nplog mas yeej tsis tau mus kawm ntawv txhua txhua hnub li peb nyob tim Amelikas no li. Vim tias tej hnub hauj lwm ntau ces yuav tau, mus pab lawv thiab.
Lub ib hlis mus ces cov laus mus xyuas teb luaj. Kuv txiv kuj mus uaj tau ib thaj teb qhov chaws zoo heev li. Peb cog nplej rau taj teb ntawv kuj tuaj zoo kawg li thib vim tias thaj av ntawv mas tsis muaj pob zeb thiab kuv txiv lawv mus luaj tav tsis los tsev li ib lim piam ces mam mus hlawv thaj teb ntawv, ces mam mus nthua tag.
Kuv niam thiab kuv txiv mus tu thaj teb ntawv tag ces mam mus cog nplej rau thaj teb. Kuv txiv thiab kuv niam nkawv kuj mus pauv zog nrog lawv tag ces lawv kuj tuaj pab peb cog nplej tiab. Peb Thaibteb ntawv kuj loj heev li. Yog hais tias kuv niam thiab kuv txiv nkawv cog xwb mas tse ua yog li ob lub lim piam seb puas tiav.
Thaum kuv niam lawv cog nplej tag ces lawv los mus cog dib thiab pob kws. Kuv niam cog dib kuj loj heev li. Kuv noj kuj qab heev li. Kuv niam lawv mus tom teb los lawv kuj de dib los tsev thiab. Tej zawm uas tsis muaj dab tsi noj kuv kuj muab cov dib los noj ntxuag mov kuv qab kawg li.
Txij li peb khiav tuaj tim teb chaws Phab Nib li Nib Khoos, peb kuj nyob kho siab heev li. Peb nyob tim Phab Nab mas yeej tsis muaj mov noj li. Ib hnub mas tau noj ob pluag mov xwb. Yeej tsis zoo li thaum peb tseem nyob tim teb chaws Nplog li.
Txij li pab nyob Phab-nab-nib-khoos mas yeej tsis muaj khaub ncaws hnav li. Yog hais tias cov kwv tej tsis pab xa los rau pab ces ntshe yeej tsis tau noj thiab khaub ncaws hnav li. Cov Thaib mas yeej tsis pub yus tawm mus yos ua si li. Tsuas yog ncig hauv xwb. thiab peb nyob tej lub tsev khaub hlab heev xwb. Peb kuj lam nyob lawm xwb.
Peb kuj nqhis nqai heev li vim hais tias peb nyob tim Phab-nab mas yeej tsis tau nqaij noj li. Thiab yeej tsis muaj nyiaj siv li Lub caij ntawv mas yeej tsis muaj nyiaj li. Yus xav noj qhob noom los yeej tsis muaj nyiaj yuav ces kav liam xwb. Tam sim no mas xav txog mas kuj tsim tu siab kawg li. 
Txij li peb khiav tuaj Amelikas lawm peb kuj tuaj nyob zoo siab hlo. Tsis muaj dab tsi txhawj li. tsuas yog niaj hnub mus kawm ntawv xwb. Hais txog kev noj mas yeej tsis raws li. Nyob teb chaws Amelikas no mas muaj kev ua si heev li. Nyob teb chaws Amelikas no mas muaj kev ua si heev li. Xav mus qhov twg los tau li ntshe tsis muaj nyiaj thab luv fais xwb. 
Hais txog hnav khaub ncaws mas yeej tsis txawv leej twg li. Yus xav yuav dab tsi los tau ntshe tsis muaj nyiaj yuav xwb . Muaj khaub ncaws ntau heev li thiab mus qhov twg los yeej tau li.
Txij li peb khiav tuaj tim Amelikas no cov nais khu kuj qhia ntawv zoo heev li. Peb kuj rau siab kawm ntawv kawg li thiab. Peb mus kawm ntawv kuj muaj tej lub hlis nais khu kuj coj peb mus ua si thiab. Kuj lom zem heev kawg li.
Raws li kuv sau no, kuv xav mas nyob tim teb chaws Nplog mas khwv heev li. Niaj hnub mus us teb xwb. Yeej tsis tau so li. Tsuas yog los so ob peb hnub xwb. Kuv xav mas nyob teb chaws Amelikas no cov laus kuj t au zoo heev li. Niaj hnub nyob hauv tsev xwb. Peb cov me nyuam ces mus kawm ntawv xwb tim Amelikas no mas kuj muaj kev ywj pheej heev kawg li lawm.