Hmoob Lub Neej Yav Tas Thiab Niam No
Tus sau: Yuas Muas 
Txij thaum hnub kuv yug los txog hnub no, kuv pom thiab hnov ntau txog peb cov Hmoob. 
Kuv tau hnov thaum lub sij hawm peb tau khiav peb lub teb chaws los txog tam sim no. Cov Hmoob tau mus ua hauj lwm thiab khwv heev. 
Tuaj nyob teb chaws no feem coob noj nyiaj pab los ntawm tsoom fwv Amelikas xwb. Feem tsawg ua hauj lwm thiab lwm yam tab sis txawm lawv muaj thiab pluag los lawv yeej tsis hnov qab lawv tej kev txom nyem, thiab tej kev ua rov nrog. Nyob los ua tsis tau dab-tsi li. 
Lub neej thaum ub khwv heev tab sis lawv yeej ua li lawv ua tau thiab. lawv nyob cov tses kheej ua nrog xyoob thiab vov nqeeb. Lawv nyob teb chaws Nplog lawv tsis muaj ntaub pua lawv lub tsev; lawv nyob tsev av xwb. Tej txaj pw, lawv xuas xyoob ua thiab muab lev pua tuaj saud. 
Nyob teb chaws Nplog, peb cov Hmoob sawv ntxov heev li. Noj tshais tas ces lawv mus tom teb. Lawv cog ntau yam zaub thiab txiv hmab txiv ntoo es lawv thiaj tau noj. Ib hnub lawv noj peb pluag mov: noj tshais, noj su, thiab noj hmo. Hmoob yeej noj yuav laug ib yam: lawv noj mov, lawv hau ntsuag noj, lawv hau zaub noj, thiab lawv noj me me nqaij xwb. 
Thaum es lawv ua rog ib txhia Hmoob lawv nyob hos ib txhia khiav mus lwm qhov tag lawm. Khiav ntawm yus lub tsev lawm mas yog ib yam nyuaj kawg li. Tom qab teb chaws tawg tag ntawv, muaj txog li 75,000 leej Hmoob lawv tuaj mus nyob rau teb chaws Meskas lawm. Tsis tas li ntawv lawv tau kev tsis nyuaj siab lawm tab sis tej tse tib neej ib leeg poob rau ib qho lawm. Tom qab es lawv tau kev nyuaj siab ntawv, lawv ua ib siab tuaj nyob teb chaws Meskas no. Meskas teb yog ib lub zoo uas loj thiab txaus ntshai heev li.
Teb chaws Meskas no txawv deb lwm lub teb chaws heev li. Teb chaws no yam twg los yog yam nyuaj tabsis Hmoob yeej ua tau. Qhov ib yog tsev kawm ntawv. Cov lus Meskas nyuaj heev li tabsis yog peb kawm, peb kuj hais tau thiab. Hmoob rov qab pib Hmoob lub neej nyob teb chaws Meskas dua. Lawv ntsia lawv lub neej yav tom ntej thiab lawv xav kom lawv cov me tub thiab me ntxhais tau lub neej zoo ua. Lawv xav kom lawv cov me nyuam tau hauj lwm zoo ua, muaj ib tse neeg, txawj ntawv, thiab muaj ib lub tsev uas yog lawv yuav lawm.
Hnub no tib neeg Hmoob coob tshaj peb npaug thaum es lawv nyuam qhuav tuaj lawm. Ib txhia tib neeg niaj hnub kho kom lawv lub neej zoo hos ib txhia lawv yeej tsis ua ab tsi li.
Thaum kuv tau sau daim ntawv no tag, kuv kawm tau ntau yam. Tam sim no kuv thiaj paub txog tias peb lub neej Hmoob nyob teb chaws Nplog txom nyem heev li.