Mandde

Gupit Mog
Gupit mog bhurgeachponnacho,
Devan amkam nirmilolo,
Ekvott zanv tujo; mog doxim zalo
Ugddas ieta maka tujeam utrancho.

Chorus:
	Bhurgeachponnachea suka,
	Eklench dovorleim maka,
	Koxem puttvolem tuka,
	Sanddcheak maka

Bhurgeachponni mojea moga,
Sodanch chitti daddtalim tuka,
Atam teo kobar zaleo, soddun
Tum geloi, kalliz dukta,
Punn ugdass tuzo ieta maka.

Tambdde Roza Tuje Pole
Tambdde roza tuje pole,
Dukani bhorleat moje dolle
Papachem licens asa zalear polle,
Kazar zauncheak mhoje kodde

	Papachem licens asa re maka,
	Kazar zauncheak raunvtam tuka
	Tum tor kazar zainaim zalear moga,
	Mhoji birmot futt'teli tuka

Pain Main kazar maka kelem,
Sukachea gharan voron gatlem
Soggle ankvar chole ekttai zaum,
Adoraru maka kelem

Kanvllea Kiteak Roddtai Daran
Kanvdea kitteak roddtai daran,
Konnui marit tuka faran
Mhojea potichi khobor addleai re zalear,
Uddon voch re borean

	Mojo potti ghara ailo, kanvdlo uddun babddo gelo,
	Mojea potichi khobor diunu mure
	Kanvdo babddo gelo

Ugddas Natalanche Ratricho
Ugddas eta Natalanche ratricho,
To dis amcheas mizadicho,
Niall korre moga chondrimacho,
Attaplare tacher mogu amcho.

Chorus:
Sintid nam-moga, lisavancher bogor tujer,
Dekhun punish dimbi ghaltam bankacher.

Papan Goyeam thaun addun maka,
Iskol xikonk ghatlem-re Bandra.
Axetalim ek chitt borounk tuka,
Kotta-madri pattlean bonvtat amchea.

Goyeam khobor gazteli avoi,
Baby Inglez sikta Bomboi,
Goyeam rebek maka xikkoitaloi
Ghara vetanam ek beij ditaloi.

Ratrich' nident haunv sopnetam,
Ugddas eta lisanv kortanam,
Moga tuje vinnem sukh maka nam,
Abras beijo tuka ghe ho Goyeam

Kunbi Jaqui
Sintidan paien ghal re Jacqui
Nisron tum sokol poddxi
Lokalem tum ghor vonkun borxi

Chorus:
Kunbi amim vauraku konnak aikona
Tenchench sor picheak konnank lagona
Zaiteo soreacheo bottleo assai amghelea gharant
Kunbi amim zolmoleaunv soreachea borlant

Anton sokol vhoir disti poddna
Paiem mhoje dottori lagna
Upkar korun ghara pavoi maka

Adeus
Adeus korcho vell paulo
Ai mhojem kalliz re fapsota
Dispedir korchea vellar
Ho sonvsar naka re disota

Chorus:
	Voch voch re roddunaka
	Dev feliz kortolo tuka

Sogleam am'ganko sandunum
Vetai tum dispotto zoddunko
Tuj' felicidad choiceako
Otrekanim rabtam haunvum