Joreste

Poesie


*********************



E BEETHOVEN L'ERA SORD


E no leggen i poetta 
e i pittor ghe veden minga 
L' omm el spuzza di sò pitt 
i donn de profumm lusinga 

Hinn di vos senza on acòrd 
de "malnatt" trist e balord 
e Beethoven l'era sord. 



PENSER LIBER


L'acqua del fiumm e de la pioeuva
la scoreva in sul tò còrp biòtt

Te seret bella, mì te guardavi appena al sen te se strengevet i tò man.

Avaria vorsuu vess mì quell'acqua
che carezzava intorna la toa pell
e'l me sguard el compiaseva
in del ced dolz al tò pudor.

Te seret bella in armonia de dònna
pur nò se mostrava inscì la toa presenza

Te seret on penser liber del temp
che l'acqua involtiand la protegeva



PERCHÉ?


El perchè de quell che foo
m'el domandi semper prima

Se me leggi quand che scrivi
o me vardi andà in pittura

E poeu dopo quell che foo
me domandi anmò el perchè!?



SOFFOGH


Sòtta el pòrtich de la piazza
passa lenta la bassora
che la speggia sora i veder
l'ombra greva de l'atesa.

In la noia d'on manichin
scrizza el canchen d'ona pòrta
che'l compagna on carillon