Giuseppe Parini



*******************************



MAGON DIJ DAMM DE MILAN PER I BARONAD DE FRANZA


Madama, gh'hala quaj noeuva de Lion ?
Massacren anch adess i pret e i fraa
quij soeu birboni de Franzes, che han traa
la legg, la Fed e tutt coss a monton ?

Cossa n'è de colù, de quel Petion,
ch'el pretend con sta bella libertaa
de mett insemma de nun nobiltaa
e de nun damm tutt quant i mascalzon ?

A proposit : che la lassa vedè
Quel cappell là, che gh'ha d'intorna on vell:
eel staa inventaa dopo che han mazzaa el re ?

Eel primm, ch'è rivaa ? Oh bell ! Oh bell !
Oh i gran Franzes ! Bisogna dill, no gh'è
Popol che sappia fa i mej coss de quell.