Ivan della Mea

Ballata per l'Ardizzone


.o00o.


M'han dit che incö la pulisia 
a l'ha cupà un giuvin ne la via; 
sarà stà, m'han dit, vers i sett ur 
a un cumisi dei lauradur. 

Giovanni Ardizzone l'era el so nom, 
de mesté stüdent üniversitari, 
comunista, amis dei proletari: 
a l'han cupà visin al noster Domm. 

E i giurnai de tüta la tèra 
diseven: Castro, Kennedy e Krusciòv; 
e lü 'l vusava: «Sì alla pace e no alla guerra!» 
e cun la pace in buca a l'è mort. 

In via Grossi i pulé cui manganell, 
vegnü da Padova, specialisà in dimustrasiun, 
han tacà cunt i gripp un carusel 
e cunt i röd han schiscià l'Ardissun. 

A la gent gh'è andà insèma la vista, 
per la mort del giuvin stüdent 
e pien de rabia: «Pulé fascista - 
vusaven - mascalsun e delinquent». 

E i giurnai de l'ultima edisiun 
a disen tücc: «Un giovane studente, 
e incö una gran dimustrasiun, 
è morto per fatale incidente, 
è morto per fatale incidente, 
è morto per fatale incidente». 


Canzone scritta da Ivan Della Mea per ricordare la morte dello studente milanese Giovanni Ardizzone, avvenuta durante una manifestazione pacifista, schiacciato sotto le ruote di una camionetta della Celere di Padova.