TU P'ATAJ U XOOK
Pedro Iuit Chi
U tsiikbalil : Jach ku yiilaj ba'axo'ob ku yuuchul ti' jump'eel chan kajtalil wey tu lu'umil mayae'ti Quintana Roo. 
Ku uchul balo'ob je'ex u p¡atik u xook le mejen palalo'ob, tu woolal ba'axo'ob ku seten uchul. Ti'lela' juntuul chan xi'ipal u k'aba'e' Marcelino, le ti'e' ku p'atik u xook tu yo'olal ba'ax ku yuuchu l tu kuxtal. 
Tumén ku p'atlo'ob tu junalo'ob, men u yuume' ku bin u kax mejak tanxel noj kajtalile' tu ts'ooke' ma' tu ka' a suut. 
Maaxo'ob ku taakpaajlo'ob ti' le meyaja' : 
MARCELINO : Chan xiipal ku p'atik u xook. 
JACINTA : Otsil chan xch'pal, ku maan u kon chicle. 
LUCY Y MAIRA : Mejen xch'upalal ku p'oolkubao, ku che'eko'ob Marcelino. 
MARGARITA Y ROSARIO : Mejen xch'upalal ku' yaantko'ob Marcelino. 
ALICIA Y SILVIA : Ka'atuul xch'upalal ku' ka'ansko'ob xook. 
CHUUNUL 
Ku yookol chan xJacinta, otsil chan xch'upal ku koonik cha'ach,ti' le maaxo'ob ku cha'ano'obo'. Tu laak' ti'itse' ku yookol Marcelino, u machmaj u kon chicharrón yeetel palomitas. 
JACINTA : Chicles, chicles, make'ex a xche'ach, mane'ex wiinik ti'a ka'a siiti' a xba'al wa u ti'al a wet xlimbale'ex, chicles, chicles. 
MARCELINO : Chicharrones yeetek palomitas, yeetel u paapij, chokoj, chicharrón y palomitas, chokoj, yeetel u paapij. 
Ku yoocol tu'ux ku yuuchul le cha'ano', le mejen xchu'upalal ku che'eko'ob Marcelino. 
MAIRA : Jajajajajaaa, ila'aj ba'ax ku betik Marcelino Lucy, ilaawilej, jajajajajaaa. 
LUCY : Jijijijijiii, jajajajajaaa. Ts'o'ok in wilik, in waake' u k'aat u kaax taak'in u ti'al u maanik u xaanab yeetel u nook, le tu k'aataj le k-kansaje', ba'ale', ba'ax ma' u yoojel Marcelino wa ts'o'ok' u tupaal u k'aaba' ichilo'on. 
MAIRA : Beeyi'ixtakob, tumen ts'o'oka'an u maan juump'eel wi'inal ma' xi' ik tu najil xook. Le o'olale' ts'oka'an u tselej u k'aaba' ichilo'on. 
LUCY : U'uyej, Marcelino, ea taan a kaaxtik taak'in u ti'al a maanik a xaanab yeetel a nook' le tu k'aataj k-kaansaj xooke' je u pajtal a koonol saansamale', a koonik chicharrón yeetel palomitas, tumen ts'ooka'an u ts'elel a k'aaba' ichilo'on. 
MAIRA : Jach jaa, Marcelino, le aj ka'ansajob miixtech t'anik a k'aaba' ja ja ja ja jaaa. 
Ku yookoj ichil le cha'anob, chan xRosario yeetel xMargarita, le ti'obe' ; ku k'eeyko'ob, xMaira yeetel xLucy. 
MARGARITA : Xlucy, ba'ax ka menke'ex ka che'eke'ex ootsil Marcelino, p'aate'ex, keex beyo'leti'e taan u meeyaj, ti'aj ku yaant u na' yeetel jaanlo'ob. Ma' bey te'exe'. Cheen xiimxiimbal ka maan a bete'ex. 
ROSARIO : Jach jaa Maira, p'aate'ex le Marcelino ; ma' menke'ex k'aas tí', xeene'ex tu'ux k'aabet a bine'ex a wile'ex wa ts'o'ok u ye'el t'el. 
MARGARITA : Ma' a wu'uyik u t'ano'ob Marcelino, jach k'aasa'antako'ob, ma' wu'uyiko'ob. Ma' wook'o Marcelino, ma' u xu'ulul a wool. 
MARCELINO : Jach yaatin wool, u t'ano'ob beeyo'. 
LUCY : Ay, jaaj, k'uuch xch'uupalal men utso'ob. Ko'ox Maira, bik u tsaaito'on xaan u utsiilo'ob. 
MAIRA : Ko'ox p'aatko'ob yeetel Marcelino, ti'a ka'a antajnaako'ob u koono'ob, chicharrones yeetel palomitas, ko'one'ex. 
MARGARITA : Ma' tukultik Marcelino, to'on bik aantecha, tsiikbat to'on ba'ax ku yuuchu tech. 
Marcelino bey tu yoo'ole', ku kaaja u tsiikbatik le ba'a ku yuuchuti', ti u xlak'inajo'ob. 
MARCELINO : Ti' te'exe', ku beital in tsiikbatik le ba'ax ku yuuchuten. Tuumen u jajile' mix tu beital in suut xook. 
ROSARIO : Ba'ale' Marcelino ma' k'abet a p'aatik le xooko'. U yuutsiile'a ti'il. 
MARCELINO : In woojel Rosario, in woojwl, ba'ale, mu'u paatal in suut xook, tuumen tene' k'abet in meyaj, ti'olal in waantik in na' yeetel juump'iit taak'in, tuumen in yuume' bin kankun meyaje' ka'a p'aati', ma' sunaji', jach kimak in wool ikil a waankene'ex. 
MARGARITA : Ma' chen tukultik Marcelino, yaan k-kaaxtik bix ka xook. Yaan yaantal. 
JACINTA : Chicles, chicles, maane'ex, chicles. Ba'ax ku yuuchutech Marcelino, ba'axten ka wook'o', ba'axten ma'kimaak a wooli'. 
MARCELINO : Mix baaj Jacinta, mix baaj kiimaak in wool. 
MARGARITA : Mix jaji', Jacinta, u'uyaweyw, xLucy yeetel xMaira, tu seen yaaj oolko'ob Marcelino, tu seen che'eko'ob, chen tu yo'olal ku konik, chicharrones yeetel palomitas. Ku ts'o'okole' ma' tu paajtal u bin xook, keex leti' u k'aatij, tumen k'a'abet u meyaj. 
JACINTA : Ma' chen tukultik Marcelino, tan xaane' tin p'aataj in xook, ba'ale', ka'atuul xansaj, a'aten ka'a, xiiken xook tu ka'aten, ichil u mu'uch' paalal ku xook tu chinij k'in, ti'i juump'el meeyaj 10-14 u ti'al paalal betak u ja'abilo'obo', teeche' 12 ja'ab yaantech. 
MARGARITA : Je'elo' Jacinta, bis le Marcelino yiiknalle xka'asaajo'obo', yo'olaj u xook. 
JACINTA : Je'e ku taalo'obo', ma' chen yaaj oltik Marcelino, ko'ox t'an yeetel le xkaasajo'obo'. 
MARCELINO : Bix a tuk Jacinta, je'e waj u yaankeno'obe', ya'ab u bin ti'a septiembre. 
JACINTA : Ma' tukultk Marcelino, ma' tukultik. Ma' alo'ob ja'atska' k'in te'ex xka'ansaj. Mu'uch' u'uyawu'uyo'on un suutuk, in chan Marcelino la'ak' Marcelino, yaan ba'ax ku yuuchuti'. 
MTRA. ALICIA : Ba'ax ku yuuchu ti' a chan la'ak', ba,axten ootsiil u yich, ba'ax yaan ti'. 
JACINTA : U'uyawu'uye xka'ansaj, in chan la'ak' Marcelino, ma' tu paajtal u bin xook tu kuuchial xook, tuumen mina'an u yuun, ts'o'okole' k'abet u meyaj. 
MARGARITA : Jach jaaj xka'ansaj, u juun chan Marcelino, bin kaankun u kaax meyaj, ba'ale' ma' ka'a suunaji'. 
MTRA. ALICIA : Je'elo'ob, ts'ookan tun a p'aatka xook Marcelino. 
MARCELINO : Ma' xka'ansaj, mina'anten u suutukil, ba'ale' utstint'an waa ka'a beyak in xook. 
MTRA. ALICIA : Ma' tukultuk Marcelino, tumen to'one' k-meyaj ti' u kuchil o xook nuukuch maak, k-meyajtik jump'eel meyaj u k-aaba' 10-14, teeche' buuka'aj ja'ab yaantech. 
MARCELINO : 12 x-ka'ansaj, 12 ku luuj ts'aaten. 
MTRA. ALICIA : Iilaj wiilej Marcelino, beey ts'ooka'an a p'aatik u kuuchil a xooko' ; je'el paatal a xook ti'u mu'uch xook ku k'aaba'tik 10-14, tuumen le meyaj jeelaj, u ti'il le mejen paalal betak u ja'abilo'obo', ku p'aatko'ob u kuchil xook, ti'il u yaantaj bix u xooko'ob, u yaax xooko'ob yeetel u suutukil ku yaataj ti'o'o, naatsxaan ti' u najil. Waa k'aatej k-bin tsiikbal yeetel a na', ka'a k-tsool ti', bix le meyaj k-a'ako'. 
Ku p'aatal a kajsik a xook saamal wa k-ati'. 
JACINTA : Eejentej Marcelino, a'aj ma'alo'obti'. 
ROSARIO : Jach jaa Marcelino, eejentej. 
MARGARITA : A' aj je'etej Marcelino, uts a ti'il, ma' tajlaj yaaj cotej. 
MARCELINO : Ma'alo'ob x-ka'ansaj, in k'aat xook, tu'ux ka wa'ake'exo'. 
MTRA. ALICIA : Wa beyo', biso'ontuun taj najil Marcelino ka'a tsiikbanako'on yeetel a na', ko'oneéx. 
MARGARITA : Ko'one'ex laak'in Marcelino laak'e'ex ko'one'ex. Yu laaklo'ob ku ya'ako'ob, ko'one'ex, ko'one'ex, laake'ex. 
TS'O'OKOL