Ducezza cimmarèlla

Achille Serrao

*********

Tiéneme a mmente ca te stò penzanno
e aparamélla st'aria, ducezza cimmarèlla
d''e juorne mieje 'a venì, chest'aria
'ntussecata senza chiù palummèlle, senza na veglia d'aria...

E astipam'lle dint'ê mmane 'ncroce
ddoje suspire 'e vucchèlla arrubbacòre, 'a voce
tramènte ca nu miérulo te sonna
miérulo 'e serenata
tramènte ca te canta doce 'a nonna
'mpont'â nuttata.