Salvatore di Giacomo

Carcioffolà 
(1893) 





- Oi mamma, mamma - che luna, che luna 
Mme vene, mme vene 
malincunia!... 
Coro: Malincunia! 
E' si 'sta luna - mme porta furtuna 
mmariteme ampresso, 
mammella mia! 
Coro: Mammella mia! 
- E dimme a chi vuò... 
C' o' ndanderandì! 
Ca piglio e t' 'e donco. 
Coro. C' 'o ndanderandò! 
- Nun saccio a clii voglio, 
cunziglieme, ma'; 
ca troppo mme mbroglio, 
Coro: C' 'o ndanderandà! 
E ndanderandì! 
E ndanderandà! 
Che bona figliola! 
Carcioffolà 

Oi figlia, figlia, - vulisse 'o pumpiere 
ca spàrpeta e more 
pe' st'uocchie nire? 

Coro: Pe' st'uocchie nire! 
E' stato fatto sargente ll'atriere 
bello, è figliulo, 
s'abbusca 'e llire! 
Coro: S'abbusca 'e llire? 
- Qi mmamma gnernò! 
Coro. C' 'o ndanderandì! 
Truvatene a n'ato. 
Coro: C' 'o ndanderandò! 
Si voglio 'o vrasiere 
na vota appiccià, 
m' 'o stuta 'o pumpiere! 
Coro. C' 'o ndanderandà! 
E ndanderandì! 
E ndanderandà! 
Che bona figliola! 
Carcioffolà 

- 'O campanaro - ca sta dint' 'o vico, 
m'ha fatta m'ha fatta 
na mmasciatella... 
Coro: Na mmasciatella! 
Qi gnò - m'ha ditto - sentite a n'amico: 
tenite na figlia 
ch'è troppo bella! 
Coro: Ch'è troppo bella! 

E dimme si 'o vuò... 
Coro. C' 'o ndanderandì! 
Oi ma' nun 'o voglio! 
Coro: C' 'o ndanderandò! 
Se sose a primm'ora, 
va fora a sunà 
e piglia e se nn'esce! 
Coro: C' 'o ndanderandà! 
E ndanderandì! 
E ndanderandà! 
Che bona figliola! 
Carcioffolà 
che luna lucente 
- Oi mamma, mamma - 
che stelle, che stelle 
ca stanno 'ncielo! 
Coro: Ca stanno 'ncielo! 
01 ma', sentite... - teniteme mente... 
Pigliateme 'e sposa 
na vesta e 'o velo... 
Coro: Na vesta e 'o velo... 
Se' mise mo so... 
Coro: C' 'o ndanderandì! 
Ca saccio a nu ninno... 
Coro: C' o' ndanderandò! 
Si' zita! - m'ha ditto: 
so zita, neh ma'?... 
Embè, datemilio!'... 

coro: C' o' ndanderandà! 
E ndanderandì! 
E ndanderandà! 
Che bona figliola! 
Carcioffolà 

(Versi di S. Di Giacomo - Musica di E. Di Capua)